Frábært eða frábært kemur í verslanir í dag
Posted by RecordRecords in Fréttir | 0 Comments
14
Oct
2010
Frumburður strákanna í Sykur kemur út í dag. Um er að ræða frábæra dansplötu sem fær mann til að dilla rassi.
Á plötunni fá strákarnir til liðs við sig gestasöngvara, má þá nefna, Katrínu Mogensen, Erp Eyvindarson og Rakel Mjöll.
Dry Land með Bloodgroup kemur út á vínyl
Posted by RecordRecords in Fréttir | 0 Comments
9
Oct
2010
Það er loksins komið að því sem vínyl perrarnir hafa verið að bíða eftir, platan Dry Land með Bloodgroup er að koma út á vínyl. Dry Land kom upprunalega út á geisladisk í desember 2009. Platan er gefin út í takmörkuðu upplagi og fylgir kóði til að nálgast plötuna til niðurhals á netinu með í pakkanum! Hægt verður að nálgast vínylinn í betri plötu verslunum á landinu frá og með miðvikudeginum 13. október 2010, en nú þegar er hægt að panta hana hér á síðunni.
Record Records á Iceland Airwaves 2010
Posted by RecordRecords in Fréttir | 0 Comments
1
Oct
2010
Það verður mikið stuð á Nasa á opnunarkvöldi Iceland Airwaves 2010 og það er okkur sönn ánægja að bjóða ykkur uppá tónleika með öllum efnilegustu hljómsveitum landsins í dag!
Fullt af nýju efni
Posted by RecordRecords in Fréttir | 0 Comments
30
Sep
2010
Agent Fresco hafa sent frá sér fyrstu smáskífuna af væntanlegri breiðskífu sinni, “A Long Time Listening”, en hún kemur út í nóvember. Lagið heitir “Translations” og gefur góða mynd af væntanlegri breiðskífu sveitarinnar.
Agent Fresco – Translations by RecordRecords
Benny Crespo’s Gang eru að vinna að sinni annari breiðskífu og er áætlað að hún komi út sumarið 2011. Hér fáum við að heyra nýtt lag, “Night Time”.
Benny Crespo’s Gang – Night Time by RecordRecords
Lára var að taka upp nýtt myndband við lagið “In Between” af síðustu plötu sinni en hún er þessa dagana á fullu að semja efni fyrir nýja breiðskífu.
Sing For Me Sandra sendir frá sér sína fyrstu plötu
Posted by RecordRecords in Fréttir | 0 Comments
23
Sep
2010
Í næstu viku, nánar tiltekið 28. september, sendir hljómsveitin Sing For Me Sandra frá sér sína fyrstu breiðskífu, en platan er nú þegar komin í sérstaka forsölu á gogoyoko.com.
Sing For Me Sandra er höfuðborgarsveit úr Reykjavík, Kópavogi og Garðabæ og hefur hún verið starfandi frá árinu 2006. En hún fór að vekja athygli árið 2009 þegar sveitin sendi frá sér sína fyrstu smáskífu, “The Fight”. Lagið fékk góðar undirtektir og náði meðal annars á vinsældarlista Xins og Rásar 2. Næst á eftir kom smáskífan “Time Will Tell” en það fékk einnig mjög góðar undirtektir.
Nýlega lauk upptökum að þessari fyrstu breiðskífu sveitarinnar en hún ber nafnið “Apollo’s Parade” og kemur eins og áður sagði í verslanir þriðjudaginn 28. september.
Meðlimir Sing For Me Sandra eru Helgi Einarsson á trommur, Jón Helgi Hólmgeirsson á gítar og söng, Ragnar Már Jónsson á gítar, Þorkell Helgi Sigfússon á gítar og söng og Örn Ýmir Arason spilar á bassa og syngur.
Stúdíódagbók Agent Fresco #1 – vídeó
Posted by RecordRecords in Fréttir | 0 Comments
8
Sep
2010
Agent Fresco strákarnir eru búnir að vera á fullu að taka upp nýju plötuna sína síðustu vikur, hér er smá brot af því sem þeir hafa verið að bralla!
Hoffman gefur út sína fyrstu breiðskífu
Posted by RecordRecords in Fréttir | 0 Comments
7
Sep
2010
Eyjapeyjarnir í Hoffman gefa út sína fyrstu breiðskífu föstudaginn 9. október.
Framleiðsla plötunnar fór í gegnum Record Records sem sér einnig um dreifingu plötunnar.
Ansi skemmtileg plata hér á ferð fyrir rokkunnendur!
Heimildarstuttmynd um Agent Fresco
Posted by RecordRecords in Fréttir | 0 Comments
1
Aug
2010
Hér er skemmtileg heimildarstuttmynd um Agent Fresco eftir Bowen Staines
DontPanicTV Episode 2: Agent Fresco from Bowen Staines on Vimeo.
Útsala í netversluninni!
Posted by RecordRecords in Fréttir | 0 Comments
26
Jul
2010
Kíkið í netverslunina okkar! Allt á útsölu!
Agent Fresco skrifar undir útgáfusamning við Record Records
Posted by RecordRecords in Fréttir | 0 Comments
22
Jul
2010
Hljómsveitin Agent Fresco hefur hafið upptökur á sinni fyrstu breiðskífu, sem hefur hlotið nafnið “A Long Time Listening”. Platan hefur verið í vinnslu síðan að hljómsveitin var stofnuð árið 2008. Öll tónlist er samin af Þórarni Guðnasyni en textar af Arnóri Dan Arnarsyni.
Upptökur eru hafnar í Orgelsmiðjunni en upptökustjórn er í höndum Magnúsar Øder og Agent Fresco.
Agent Fresco strákarnir hafa samið við Record Records um útgáfu á nýju plötunni og er áætlað að hún komi út í byrjun október á þessu ári.