Kemur út í dag, 11. júní!
Þegar öllu er á botninn hvolft er tvískipt safnplata sem inniheldur tvo geisladiska. Fyrri diskurinn inniheldur átján lög og þar af eru sextán bestu lög þeirra af breiðskífum sveitarinnar, sem eru fimm talsins. Einnig inniheldur fyrri diskurinn tvö glæný lög, „Slóði“ og „Panikkast“ sem er þegar farið að hljóma á öldum ljósvakans. Seinni diskurinn innheldur áður óútgefnar upptökur, ábreiður sveitarinnar á lögum tónlistarmanna eins og Devo og Megas, enskar útgáfur laga, endurhljóðblandanir og tónleikaupptökur með Botnleðju sem ávallt hefur þótt frábær tónleikasveit.

Record Records hefur áður veðjað á hljómsveitir sem hafa unnið Músíktilraunir og má þar nefna hljómsveitirnar Of Monsters and Men, Agent Fresco og Mammút. Það er því óhætt að segja að þessi árlega keppni sé mikil gróðrarstía fyrir upprennandi hljómsveitir og tónlistarmenn. Record Records bindur miklar vonir við sveitina og hafa nú þegar margir erlendir aðilar sýnt hljómsveitinni áhuga.

Vök hófu fyrir nokkru upptökur á sinni fyrstu þröngskífu og er hennar að vænta í júlí næstkomandi. Þau hafa nú þegar sent frá sér smáskífuna Before og stutt er í útgáfu næstu smáskífu, Ég bíð þín.

Vök munu koma fram á tónleikum í Austurbæ ásamt hinni hafnfirsku jaðarrokksveit Botnleðju, þann 27. júní og er miðasala í fullum gangi á miði.is.

Moses Hightower voru verðlaunaðir sem lagahöfundar ársins fyrir lög á plötunni Önnur Mósebók og unnu Andri og Steingrímur sem textahöfundar ársins fyrir texta á sömu plötu.

Retro Stefson fengu verðlaun fyrir lag ársins, lagið Glow og fengu þau einnig verðlaun fyrir myndband ársins við sama lag. Þá var sveitin valin tónlistarflytjandi ársins fyrir líflega sviðsframkomu og dúndrandi stuð sem skapast jafnan á tónleikum sveitarinnar.

Ojba Rasta fengu verðlaun fyrir plötuumslag ársins en það var Ragnar Fjalar sem hannaði umslagið.

Til viðbótar við þetta unnu svo fullt af snillingum skemmtileg verðlaun.

Takk fyrir einstaklega gott tónlistarár 2012 og til hamingju Moses Hightower, Retro Stefson og Ojba Rasta!

Í tilefni af útgáfu hljómplötunnar Retro Stefson með samnefndri hljómsveit verða haldnir útgáfutónleikar í Iðnó föstudaginn 5. október nk. kl. 22 (húsið opnar kl. 21). Auk Retro Stefson mun tónlistarmaðurinn Hermigervill stíga á stokk. Miðasala hefst á midi.is fimmtudaginn 20. september.

Þriðjudaginn 2. október kemur út þriðja hljómplata Retro Stefson og ber hún nafn sveitarinnar. Á plötunni er að finna 10 ný lög með hljómsveitinni þar á meðal Qween og Glow sem hafa gert það gott á öldum ljósvakans sl. mánuði. Hljómsveitin leitaði í smiðju Hermigervils og Styrmis Haukssonar til að ná fram æskilegum hljóðheimi. Á plötunni kennir ýmissa grasa og víða leitað fanga í straumum og stefnum tónlistarinnar. Þó er Retro Stefson fyrst og fremst hljómsveit nútíðar og framtíðar. Afraksturinn eru 39 mínútna eyrnakonfekt heyrn er sögu ríkari! Útgefandi er Record Records.

Retro Stefson hefur að undanförnu verið við æfingar og útsetningar á nýja efninu sem verður frumflutt á útgáfutónleikunum. Hljómsveitin hefur ekki komið fram í Iðnó lengi og þar verður ölli tjaldað til svo gera megi tónleikana sem eftirminnilegasta.

Ojba Rasta var stofnuð í Reykjavík á því herrans ári 2009. Eftir mannabreytingar endaði hún sem ellefu manna hljómsveit, þó alltaf hafi hún haft það fyrir stefnu að spila reggí músík með döbb ívafi.
Áhrifavaldar eru fjölmargir, en í þessum tónlistarlega bragðaref hefur verið blandað saman heimstónlist, kvikmyndatónlist, kvæðalögum og öðru sem til fellur og eyra er næst. Bandinu hefur vegnað vel á vinsældarlistum útvarpsstöðva og hefur auk þess hlotið lof fyrir líflega sviðsframkomu undanfarin misseri, en nú loks er frumburður Ojba Rasta orðinn að veruleika. Platan er samnefnd hljómsveitinni og ber átta frumsamin lög í fórum sínum. Þar má heyra sungið um örlög, ástir og ævintýri nokkurra peða á plánetunni jörð.