Það gleður okkur að tilkynna að hin goðsagnakennda sveit Botnleðja er á leið í hljóðver að taka upp 2 ný lög. Þessi nýju lög munu verða á nýrri safnplötu sem við erum að vinna að og er hún áætluð til útgáfu í Maí á þessu ári.
Um er að ræða tveggja platna grip með bestu lögum sveitarinnar, nýju efni, sjaldheyrðu efni, tónleikaupptökum og áður óútgefnu efni!

Það ríkir mikið stolt hjá Record Records eftir tónlistarverðlaun gærkvöldsins en þá voru Íslensku tónlistarverðlaunin afhent við hátíðlega athöfn í Hörpu.

Moses Hightower voru verðlaunaðir sem lagahöfundar ársins fyrir lög á plötunni Önnur Mósebók og unnu Andri og Steingrímur sem textahöfundar ársins fyrir texta á sömu plötu.

Retro Stefson fengu verðlaun fyrir lag ársins, lagið Glow og fengu þau einnig verðlaun fyrir myndband ársins við sama lag. Þá var sveitin valin tónlistarflytjandi ársins fyrir líflega sviðsframkomu og dúndrandi stuð sem skapast jafnan á tónleikum sveitarinnar.

Ojba Rasta fengu verðlaun fyrir plötuumslag ársins en það var Ragnar Fjalar sem hannaði umslagið.

Til viðbótar við þetta unnu svo fullt af snillingum skemmtileg verðlaun.

Takk fyrir einstaklega gott tónlistarár 2012 og til hamingju Moses Hightower, Retro Stefson og Ojba Rasta!

Retro Stefson eru að gera allt vitlaust á veraldarvefnum þessa dagana með nýju myndbandi sínu við lagið Glow.
Myndbandið má sjá hér: